Ачык булактардан алынган маалыматтар орустар Сириядан аскердик техникасын чыгарып кетүүгө даярданып жатканын көрсөтүүдө. Тактап айтканда, буга Хмеймим авиабазасынын спутниктен тартылган сүрөттөрү далил болот деп DW кабарлады.
Орус аскерлери Сириядан аскердик техникасын чыгарып кетүүгө даярданууда, муну эксперттер жана журналисттер талдаган ачык булак маалыматтары тастыктайт. Тактап айтканда, Сириянын Латакия провинциясындагы Хмеймим авиабазасынан учкучсуз учактан тартылган видеодо OSINT аналитиктери чемодандары менен учакка түшүүгө даярданып жаткан адамдарды, ошондой эле жөнөтүүгө даярдалган 91N6E радар комплексин байкашкан.
Радар системасы менен колдонулган S-300 жана S-400 ракеталык системаларынын дагы эле ордунда экени, бирок алардын аткычтары Сириянын башкаруучусу Башар Асад кулатылганга чейинкидей күжүрмөн абалда эместиги билдирилди.
Басылма ошондой эле The Times гезитинин Сириядагы кабарчысынын Хмеймим базасына орусиялык аскерий техникалар келгенин көрсөткөн видеосуна да шилтеме кылат. Базанын күзөтчүлөрү журналисттерге Орусия Федерациясы өз аскерлерин Сириядан чыгарып жатканын ырасташты.
Жакындарыңыз менен бөлүшүңүз:
Цитата, күндүн саны, кызыктуу үн билдирүүлөрү жана күндүн дайджести - биздин Telegram каналыбызда!
